Kryetari i Grupit Parlamentar të PD, Gazment Bardhi, reagoi ndaj kritikave të kryeministrit Edi Rama ndaj gjyqtarit Hazbi Balliu.
Bardhi theksoi se Rama nuk ka të drejtë të akuzojë gjyqtarët e prokurorët, pasi vetë ka firmosur vendimin e qeverisë nr. 589, datë 7.9.2022, që sipas tij favorizon ndërtuesit e paligjshëm.
Reagimi:
Edi Rama paska pyetur sot “Se si mund të angazhohen prokurorë a gjykatës të Republikës në favor të ndërtuesve të paligjshëm, kjo kërkon të kesh akses në trurin e prokurore Gjelit dhe të gjykatës Balliut”. Dikush duhet t’i kujtojë që vetë ai s’ka akses në trurin e tij, sa kohë nuk kujton që ka firmosur vetë vendimin e qeverisë nr. 589, datë 7.9.2022, që favorizon ndërtuesit e paligjshëm dhe ligjëron antishtetin.
Gjyqtarët e prokurorët e Republikës nuk miratojnë rregulla, por janë të detyruar të zbatojnë rregullat që miraton qeveria e Kuvendi, pavarësisht se mund të mos u pëlqejnë apo të konstatojnë se mbajnë firmën e njerëzve pa tru e antishtet si Edi Rama!’
