Kryeministri libanez Nawaf Salam reagoi të premten ndaj kërcënimeve të fundit të sekretarit të përgjithshëm të Hezbollahut, Naim Qassem, i cili deklaroi se “nuk do të ketë jetë në Liban”, duke e cilësuar këtë si “retorikë të fshehtë për luftë civile” të drejtuar ndaj mbështetësve të grupit.
Në një intervistë për gazetën saudite Asharq Al-Awsat, Salam hodhi poshtë pretendimet e Qassemit se ai kishte kërkuar dorëzimin e armëve tek Izraeli. “Përkundrazi, ne këmbëngulim që armët të mbeten nën kontrollin ekskluziv të shtetit libanez,” theksoi ai.
Ndërkohë, Forcat e Mbrojtjes së Izraelit (IDF) goditën objektiva ushtarake të Hezbollahut në jug të Libanit, mes rritjes së tensioneve përgjatë kufirit.
