Policia e Korçës ka finalizuar operacionin antidrogë të koduar “Split”, duke arrestuar një 21-vjeçar që shiste doza kanabisi në lagjen nr. 8 të qytetit. Gjatë kontrollit, atij iu gjetën doza të gatshme për shitje.
Gjithashtu, u procedua penalisht një 29-vjeçar, i cili u kap në flagrancë me doza kanabisi që dyshohet se i kishte blerë të arrestuarit.
Në cilësinë e provës materiale u sekuestruan dozat e kanabisit, një celular dhe një shumë parash e dyshuar e përfituar nga shitja e drogës.
Njoftimi:
Korçë
Finalizohet operacioni policor i koduar “Split”, për goditjen e veprimtarisë kriminale të shitjes së lëndëve narkotike, në doza.
Shiste doza kanabisi, në lagjen nr. 8, kapet në flagrancë me doza kanabisi dhe vihet në pranga 21-vjeçari.
Procedohet penalisht një 29-vjeçar pasi u kap në flagrancë me doza kanabisi që ia kishte blerë 21-vjeçarit.
Specialistët për Hetimin e Narkotikëve të DVP Korçë, në vijim të punës për parandalimin dhe goditjen e veprimtarisë kriminale të shitjes së lëndëve narkotike, në doza, organizuan dhe finalizuan në bashkëpunim me Forcën e Posaçme “Shqiponja”, operacionin policor të koduar “Split”. Në kuadër të këtij operacioni:
-u arrestua në flagrancë shtetasi F. L., 21 vjeç, banues në Korçë, i cili dyshohet se shiste doza të lëndës narkotike kanabis, në lagjen nr. 8, Korçë. Gjatë kontrollit fizik, atij iu gjetën doza kanabisi të gatshme për shitje;
-u referuan materialet në Prokurori ku nisi procedimi në gjendje të lirë për shtetasin M. K., 29 vjeç, banues në Korçë, pasi u kap në flagrancë me doza kanabisi që dyshohet se ia kishte blerë 21-vjeçarit.
Në cilësinë e provës materiale u sekuestruan dozat e kanabisit, 1 celular dhe një shumë parash e dyshuar e përfituar nga kjo veprimtari kriminale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme, për veprën penale “Prodhimi dhe shitja e narkotikëve”.
