Forcat Ajrore Izraelite, në bashkëpunim me Shërbimin e Sigurisë së Brendshme (Shabak), kanë eliminuar sot Muhammad Sha’ib (ose Shoaib), një figurë të rëndësishme terroriste libaneze, në një sulm ajror në al-Numairiya, në jug të Libanit, përcjell Open Source.
Sipas njoftimit zyrtar nga IDF dhe Shabak, Sha’ib kishte një rol kyç në kontrabandimin e armëve iraniane drejt Libanit, Sirisë dhe territoreve palestineze, si dhe në organizimin e sulmeve ndaj Izraelit. Ai ishte i përfshirë gjithashtu në ndërtimin e infrastrukturës terroriste në Liban dhe në promovimin e veprimeve të dhunshme në veri të Izraelit dhe në rajonet e Jude dhe Samarisë.
