Gjykata e Lartë pritet të shqyrtojë sot në mesditë rekursin e kryebashkiakut të pezulluar të Tiranës, Erion Veliaj, i cili kërkon zëvendësimin e masës së “arrestit me burg”.
Veliaj ndodhet në qeli që prej datës 10 shkurt, i akuzuar për korrupsion pasiv, fshehje pasurie dhe pastrim parash.
Seanca do të zhvillohet në orën 12:00, në dhomë këshillimi dhe pa praninë e palëve. Relatore e çështjes është gjyqtarja Albana Boksi, ndërsa anëtarë janë Medi Bici dhe Sokol Binaj.
