Një person që ishte zhdukur pa lënë gjurmë është gjetur i vdekur në Mbreshtan të Përmetit.
Sokol Rama, babai i dy fëmijëve dyshohet se është ekzekutuar ndërsa është gjetur i vdekur brenda makinës së tij.
Ai u zhduk pa lënë gjurmë në datën 6 shkurt ndërsa familjarët e kanë denoncuar humbjen e djalit të tyre në datën 8 shkurt në komisariatin e policisë Tepelenë.
Ai është person me precedentë penalë, i akuzuar për vjedhje, ndërsa dyshimet janë se zhdukja e tij dhe shokut të tij nga Përmeti, i deklaruar i zhdukur dy ditë pas denoncimit të familjarëve të Ramës, ka lidhje me transportin e lëndëve narkotike, pasi Rama është identifikuar nga Policia lokale si transportues droge.
33-vjeçari kishte humbur kontaktet me familjen e tij në Tepelenë, ndërsa hera e fundit që kishte kontaktuar me ta ka qenë nga Përmeti nëpërmjet telefonit.
Bashkë me të u zhduk tre ditë më pas, shoku i tij Roland Milo nga Përmeti, por për të ende nuk ka informacione.
I riu nga Përmeti, dyshohet se është fshehur pasi dyshohet për disa ngjarje me Sokol Ramën. 33-vjeçari Sokol Rama është person me precedent penal pasi ka qenë i ndaluar më parë për disa vjedhje.
