Një zjarr i fuqishëm ka përfshirë zonën e Ierapetrës në Kretë, duke u përhapur në mënyrë të pakontrolluar në tre drejtime, Aklia, Ferma dhe Schonokapsala. Zjarrfikësit po luftojnë me flakët prej orësh, ndërsa situata mbetet kritike.
Për të përballuar përhapjen, janë angazhuar 44 mjete zjarrfikëse me rreth 470 efektivë në terren. Pesë automjete të tjera zjarrfikëse po nisen nga Athina me anije për të shtuar forcat në terren.
Mëngjesin e sotëm janë dhënë urdhra për aktivizimin e 10 mjeteve ajrore për hedhjen e ujit nga ajri. Gjatë gjithë natës, mbi 160 zjarrfikës qëndruan në terren për të mbajtur nën kontroll vatrat, ndërsa gjatë ditës së djeshme ishin në veprim 15 avionë dhe 4 helikopterë./Parapolitika.gr
