Gjykata e Posaccme ka shtyrë për në 26 qershor seancën ndaj kreut të Partisë së Lirisë, Meta.
Ky i fundit është arrestuar më 21 tetor 2024 ndërsa nuk ishte i pranishëm në seancë.
Avokati Kujtim Cakrani tha pas përfundimit të seancës se Meta nuk zotëron asnjë pronë asgjëkundi dhe se procesi ndaj tij është inkuizicion.
“Sot prokurori ka kërkuar që akuza e lobimit nuk qëndron më. Ky është një lajm që e ka sjellë prokurori sot. Seanca u shty sepse unë kërkova që të njihem me aktet që ka sjellë prokurori. Unë i thash gjyqtarit që jam avokati i Metës, as i Kryemadhit as i vjehrrës. Të gjithë ata u përmendën vetëm Meta jo. Kartën e ka përdorur bashkëshortja e zotit Meta, nuk ka dalë asnjë llogari bankare në emër të zotit Meta. Pasuritë e ish presidentit Meta janë zero. Të shkojnë në hënë se mbase gjejnë ndonjë pasuri. Nga kërkimet që ka bërë SPAK ka kërkuar në Shqipëri, në BE, SHBA ka bërë letër porosi dhe Meta nuk posedon as pasuri të luajtshme as të paluajtshme. Po bëhet një inkuizicion ndaj presidentit të PL, për këtë duhet të shqetësoheni, ka 8 muaj në paraburgim.” – tha Cakrani.
