Zëvëndës presidenti amerikan JD Vance ka adresuar debatin mbi politikën e SHBA-së ndaj Iranit, duke mbështetur qëndrimin e presidentit. Ai vuri në dukje se presidenti ka qenë i qartë për më shumë se një dekadë: “Irani nuk mund të ketë një armë bërthamore.” Për këtë arsye, administrata e tij ka bërë përpjekje për të arritur një marrëveshje që do ta siguronte këtë objektiv.
Vance theksoi se çështja e energjisë bërthamore civile dhe pasurimi i uraniumit janë koncepte të ndryshme, dhe argumentoi se Irani mund të kishte energji bërthamore pa pasurim të uraniumit, por e refuzoi këtë mundësi. “Irani mund të kishte energji bërthamore civile pa pasurim, por e refuzoi këtë,” tha ai, duke shtuar se pasurimi i uraniumit nga Irani ka arritur nivele shumë më të larta se sa ato të nevojshme për përdorim civil. Ai theksoi gjithashtu se “Irani është gjetur në shkelje të detyrimeve të tij për mospërhapjen e armëve bërthamore nga Agjencia Ndërkombëtare e Energjisë Atomike (IAEA), e cila nuk është një organizatë e djathtë.”
Vance vlerësoi qasjen e presidentit në ruajtjen e stabilitetit, duke theksuar se ai ka treguar përmbajtje dhe është fokusuar tek “mbrojtja e trupave dhe qytetarëve amerikanë.” Ai la të kuptohet se presidenti mund të ndërmarrë veprime të mëtejshme për t’i dhënë fund pasurimit të uraniumit nga Irani, duke thënë se “Ai mund të vendosë të ndërmarrë masa për t’i dhënë fund pasurimit iranian. Ky vendim i përket presidentit.”
Ky reagim vjen në një kohë kur tensionet mbi programin bërthamor të Iranit po rriten, dhe politika e jashtme amerikane ndaj Lindjes së Mesme mbetet një temë debati.
Look, I’m seeing this from the inside, and am admittedly biased towards our president (and my friend), but there’s a lot of crazy stuff on social media, so I wanted to address some things directly on the Iran issue:
First, POTUS has been amazingly consistent, over 10 years, that…
— JD Vance (@JDVance) June 17, 2025
