Avionët luftarakë të Forcave Ajrore Izraelite kanë goditur disa qendra komanduese që i përkasin Forcës Quds – një njësi elitare dhe klandestine e Gardës Revolucionare Iraniane (IRGC), bëjnë të ditur Forcat e Mbrojtjes së Izraelit (IDF).
“Së fundmi, në këto qendra komande, operativët e Forcës Quds kanë organizuar sulme terroriste ndaj Shtetit të Izraelit përmes përfaqësuesve të regjimit iranian në Lindjen e Mesme”, deklaroi një zëdhënës i IDF-së.
Një video e publikuar nga IDF tregon 10 objektiva në Teheran, të cilat sipas ushtrisë izraelite janë baza të Forcës Quds dhe struktura të tjera ushtarake që janë goditur nga sulmet ajrore.
Forca Quds është një njësi e fuqishme brenda IRGC-së, e krijuar gjatë luftës Iran-Irak në vitet 1980, e njohur për aktivitetet e saj të inteligjencës dhe operacioneve të jashtme. Kjo forcë luan një rol kyç në marrëdhëniet e Iranit me grupet e armatosura në Afganistan, Irak, Liban, Siri dhe Rripin e Gazës, përfshirë Hezbollahun dhe Hamasin.
Ndërkohë, komandanti i IRGC-së, Hossein Salami, u vra në valën e parë të sulmeve izraelite të premten. Ai është zëvendësuar tashmë nga gjenerali Ahmed Vahidi./CNN
