Ali Shamkhani, ish-Sekretari i Këshillit të Sigurisë Kombëtare të Iranit (SNSC), u vra në një sulm ajror izraelit të premten, sipas raportimeve të medias shtetërore iraniane.
Shamkhani ishte një nga këshilltarët më të lartë të Udhëheqësit Suprem Ali Khamenei dhe thuhet se u vra në shtëpinë e tij në Teheran nga një sulm ajror i Forcave të Mbrojtjes së Izraelit (IDF).
Vdekja e Shamkhanit shënon një tjetër goditje të rëndësishme nga izraelitët në çmontimin e udhëheqjes ushtarake të Teheranit, shkruan Fox.
Shamkhani shërbeu si një nga zyrtarët më të lartë ushtarakë të Iranit për dekada, duke filluar si komandant i Korpusit të Gardës Revolucionare Islamike në Forcat Tokësore.
IRGC është një nga qendrat më të fuqishme të vendit. Ajo u krijua pas Revolucionit Islamik të vitit 1979 dhe ka evoluar nga një forcë paraushtarake e sigurisë së brendshme në një force ndërkombëtare që u ka ardhur në ndihmë aleatëve të Teheranit në Lindjen e Mesme, nga Siria dhe Libani në Irak, sipas Times of Israel.
