Izraeli lëshon paralajmërim evakuimi për civilët iranianë mes sulmeve ajrore në Teheran

Izraeli Air Force ka kryer sulme të gjera në Teheran dhe Shiraz, ndërsa operacioni kundër programit bërthamor dhe industrive ushtarake të Iranit vazhdon për ditën e tretë.

Para sulmeve, IDF lëshoi një paralajmërim të paprecedentë për civilët iranianë, duke u kërkuar të largohen nga zonat pranë fabrikave të armëve, duke theksuar se afërsia me këto objekte mund të rrezikojë jetën e tyre.

Eksplozione të fuqishme janë raportuar në Teheran dhe zona të tjera, ndërsa nuk ka ende një përditësim mbi numrin e viktimave. Sipas ambasadorit iranian në OKB, deri tani janë raportuar 78 të vrarë dhe mbi 320 të plagosur që nga fillimi i sulmeve izraelite.

Gjatë natës, Izraeli ka bombarduar disa lëshues raketash balistike iraniane, si dhe sisteme mbrojtëse ajrore dhe radarë. Sipas IDF, disa prej këtyre lëshuesve ishin përdorur për të sulmuar Izraelin, duke shkaktuar të paktën 10 viktima.

Izraeli ka deklaruar se do të vazhdojë të godasë lëshuesit e raketave balistike në perëndim të Iranit për të parandaluar sulmet e mëtejshme ndaj Izraelit.