Një aksident rrugor ka ndodhur pak minuta më parë në aksin Lin–Pogradec, ku një automjet ka humbur kontrollin dhe është përplasur me trafikndarësen, duke përfunduar në korsinë e biçikletave. Përplasja ka shkaktuar dëme të konsiderueshme materiale, por fatmirësisht nuk ka të lënduar.
Sipas informacioneve paraprake, lagështia në rrugë dyshohet të ketë qenë shkaku kryesor i aksidentit, që solli humbjen e kontrollit nga drejtuesi i automjetit.
Në mjet ndodhej vetëm shoferi, i cili është transportuar në spital për kontrolle mjekësore, por ndodhet jashtë rrezikut për jetën dhe pa dëmtime serioze.
Aktualisht, grupi hetimor ndodhet në vendngjarje dhe po punon për sqarimin e plotë të rrethanave të ngjarjes.
