Dy sulme vetëvrasëse shkatërruan një mur në një bazë ushtarake në Pakistanin veriperëndimor përpara se persona të tjerë të sulmonin kompleksin dhe të zmbrapseshin duke lënë të paktën 12 viktima dhe 30 të plagosur.
Një grup i lidhur me talebanët pakistanezë mori përgjegjësinë për sulmin në Bannu dhe tha se dhjetëra anëtarë të forcave pakistaneze të sigurisë u vranë. Ushtria nuk konfirmoi menjëherë ndonjë viktimë, por Spitali i Qarkut Bannu tha se të paktën një duzinë njerëz kishin vdekur, shkruan CNN.
Dy kamikazët hodhën veten në erë pranë murit të zonës ushtarake të madhe, tha një zyrtar i sigurisë në kushte anonimiteti.
“Pasi prishën murin, pesë deri në gjashtë të tjerë u përpoqën të hynin në kanton, por u eliminuan,” tha zyrtari i sigurisë.
Sulmi ndodhi pas perëndimit të diellit, kur njerëzit saop kishin ngrënë iftarin gjatë muajit të shenjtë mysliman të Ramazanit.
Jaish Al-Fursan mori përgjegjësinë për sulmin, sulmi i tretë militant në Pakistan që nga fillimi i Ramazanit të dielën. Në një deklaratë, grupi tha se burimi i shpërthimeve ishin automjetet e mbushura me eksploziv.
