Vendosni fjalën kyçe....

Nën hetim nga SPAK, kryebashkiaku i Rrogozhinës: Ndaj meje shpifje e akuza të pavërteta, do përdor çdo mjet ligjor


Kryebashkiaku i Rrogozhinës, Edison Memolla, i cili është nën hetim nga SPAK, ka deklaruar se do përdorë çdo mjet të mundshëm ligjor për t’u përballur me ato që i quan akuza e shpifje.

Përmes një reagimi në rrjetet sociale ai thekson se të qenit në politikë e ka vënë në shënjestër të atyre që i quan kazanë mediatikë.

Memolla shton se përveç  tij po baltosen edhe famijarët e tij me akuza të rënda e të pafalshme.

“Deri më sot jam përballur me çdo akuzë, shpifje, të pavërtetë apo lajm të rremë që prej kohesh kanë dalë për të ulur në sytë e gjithkujt imazhin tim. Të qenurit pjesë e politikës padyshim që të bën të jesh në shënjestër të shumë kazanëve mediatik vetëm për të përmbushur kërkesat e personave të etur për pushtet që fshihen pas siglave televizive. Megjithatë kurrë nuk kam dalë kundër tyre hapur pasi jam individ që di ti përgjigjem drejtësisë për aq kohë sa punën dhe postin që ma kanë besuar qytetarët e mi e drejtoj me ndershmëri dhe pastërti. Por fakti që përveç meje po baltosni familjarë të mi me akuza tepër të rënda dhe të pafalshme, madje për të disatën herë, më bën të reagoj dhe të përdor çdo armë të mundshme ligjore për t’i mbrojtur ata. Kushdo që na njeh e di mirë me sa mund dhe djersë ka arritur familja ime të jetë kjo që është tani dhe për të gjithë ata që nxjerrin fjalë të tjera përveçse kësaj të vërtete, tashmë do të shihemi qoftë edhe për shpifjen më të rëndomtë, në dyert e të gjitha institucioneve të drejtësisë. Me respekt.” – shkruan Memolla.