Kryeministri izraelit Benjamin Netanyahu u zotua të dielën se do të vazhdojë luftën në Gaza pavarësisht “çmimit shumë të rëndë” të saj për ushtrinë.
“Ky është një mëngjes i vështirë, pas një dite shumë të vështirë luftimesh në Gaza”, tha Netanyahu gjatë një takimi të kabinetit në Tel Aviv.
Ushtria izraelite tha të dielën se 14 ushtarë u vranë në përleshjet me luftëtarët e rezistencës palestineze në Rripin e Gazës në 24 orët e fundit.
Vdekjet e çuan numrin e ushtarëve të vrarë që nga shpërthimi i konfliktit të Gazës në 486 që nga 7 tetori, sipas shifrave ushtarake.
“Lufta po kërkon një çmim shumë të rëndë për ne; megjithatë, ne nuk kemi zgjidhje tjetër veçse të vazhdojmë të luftojmë”, tha Netanyahu.
“Ne po vazhdojmë me forcë të plotë deri në fund, deri në fitore, derisa të arrijmë të gjitha qëllimet tona: shkatërrimin e Hamasit, kthimin e pengjeve tona dhe sigurimin që Gaza nuk do të përbëjë më kurrë një kërcënim për Shtetin e Izraelit.” – shtoi ai.
Izraeli ka goditur Rripin e Gazës që nga një sulm ndërkufitar nga Hamasi më 7 tetor, duke vrarë të paktën 20,424 palestinezë, kryesisht gra dhe fëmijë, dhe duke plagosur 54,036 të tjerë, sipas autoriteteve shëndetësore në enklavë.
Rreth 1200 izraelitë besohet se janë vrarë në sulmin e Hamasit.
