Numri i të vdekurve nga tërmet i fuqishëm i para pak ditëve në Marok është rritur në 2,901 persona, tha të martën Ministria e Brendshme e vendit.
Në një deklaratë, ministria tha se 5,530 persona të tjerë u plagosën në tërmetin me magnitudë 7 që goditi vendin e Afrikës Veriore të premten vonë.
Tërmeti ishte më i forti që goditi vendin e Afrikës Veriore në një shekull, sipas Institutit Kombëtar Gjeofizik të Marokut.
Tërmeti ka shkaktuar dëme të mëdha në qytetin antik të Marrakech, një vend i Trashëgimisë Botërore të UNESCO-s.
Të martën, ekipet e kërkim-shpëtimit vazhduan përpjekjet e tyre për të pestën ditë radhazi për të gjetur njerëz dhe trupa të bllokuar nën rrënojat e ndërtesave të shembura në zonat e goditura rëndë nga tërmeti.
Sipas një gazetari të Anadolu, ekipet e shpëtimit arritën të nxirrnin disa njerëz nga nën rrënojat në Marokun qendror.
Gazetari tha se disa nisma publike janë nisur për të mbështetur njerëzit e prekur dhe për t’u siguruar atyre materiale ndihme.
Të dielën, qeveria marokene njoftoi krijimin e llogarive të veçanta bankare për të mbledhur dhurime nga qytetarët dhe bizneset lokale për ofrimin e ndihmës për njerëzit e prekur.
Maroku deri më tani ka pranuar oferta për ndihmë dhe ekipe shpëtimi nga Spanja, Britania, Katari dhe Emiratet e Bashkuara Arabe.
VINI RE: Ky material është pronësi inteleltuale e Anadolu Agency
Përgatiti për Hashtag.al, Klodian Manjani
