Presidenti Joe Biden po bën hapa përpara në shërimin e tij nga Covid-19, pasi kolla e tij, dhimbjet e trupit dhe simptomat e tjera janë ‘ulur ndjeshëm’ pas tre ditësh të plota trajtimi me ilaçin antiviral Paxlovid, sipas mjekut të Shtëpisë së Bardhë Dr. Kevin O. ‘Connor.
Simptoma kryesore e presidentit tani është një dhimbje e vazhdueshme e fytit, tha O’Connor në një deklaratë të dielën, duke shtuar: “Kjo ka shumë të ngjarë të jetë si rezultat i aktivizimit limfoid pasi trupi i tij pastron virusin dhe kjo është diçka e mirë”.
Biden doli pozitiv për Covid-19 të enjten, pavarësisht se ishte vaksinuar plotësisht kundër virusit dhe kishte marrë dy vaksina përforcuese.
Ai ishte i infektuar me variantin BA.5, aktualisht lloji dominues në SHBA, pohoi të dielën bashkërenduesi i përgjigjes ndaj Covid-19 i Shtëpisë së Bardhë, Dr. Ashish Jha.
Biden nuk është parë publikisht që nga e premtja, kur mori pjesë në një takim me video me këshilltarët e tij ekonomikë. Presidenti, 79 vjeç, u shkëput vazhdimisht nga mbledhja për shkak të kollës.
Ai filloi duke thënë me një zë të vrullshëm: “Më lejoni të filloj duke kërkuar falje, zëri im. Po ndihem shumë më mirë se sa duket.”
“Zëri i tij mbetet pak i thellë.” – tha O’Connor në deklaratën e së dielës.
“Pulsi i tij, presioni i gjakut, ritmi i frymëmarrjes dhe temperatura mbeten të gjitha normale.”
