Shefi i Stafit të kryeministrit të Kosovës Albin Kurti, Luan Dalipi i është përgjigjur kryediplomatit evropian, Josep Borell pas kritikave lidhur me operacionin e sotëm të policisë në veri të vendit.
Pasi ky i fundit kritikoi qeverinë e Kosovës për veprime të njëanshme dhe pakoordinuara, Dalipi ka theksuar se policia sot ka zhvilluar një aksion kundër krimit dhe kontrabandës në katër komuna dhe jo vetëm në Mitrovicën e Veriut.
“I nderuar Z. Borrel
Faleminderit për shqetësimin. Është e rëndësishme të mos portretizohet dhuna fatkeqe e nxitur nga disa huliganë të orkestruar nga Beogradi si një problem ndëretnik midis qytetarëve shqiptarë dhe serbë në Kosovë.
Aksioni i sotëm i policisë së Kosovës ka qenë e drejtuar kundër krimit dhe kontrabandës në katër komuna të Kosovës, njëra nga të cilat ka ngjarë të jetë pjesa veriore e Kosovës (ku disa kriminelë kanë nxitur dhunën).”– shkruan ai.
Më pas shprehet se askush, e aq më tepër një zyrtar i lartë i BE-së nuk duhet ta shohë aksionin e policisë si problem etnik ose politik, ndërsa i sqaron Borrellit se prokurori që autorizoi veprimin është serb: “Askush, dhe posaqërisht as një zyrtar i nivelit të lartë të BE-së, nuk duhet të provojë ta bëjë këtë si problem politik ose etnik, si dhe koordinimi i dyanshëm nuk është relevant në këtë rast, sepse për ta ndalur krimin dhe tregtinë e paligjshme është një kompetencë tipike për një shtet sovran. Për informacionin tuaj, prokurori që autorizoi veprimin është serb, gjykatësi është serb, dhe shumica e policëve në komunën e Mitrovicës Veriore janë serbë. 6 shqiptarë, 1 serbë, 1 boshnjakë të arrestuar. 6 policë u plagosën, njëri prej të cilëve një serb. Krimi dhe kontrabanda nuk kanë etni.”
2/4 Today’s action by Kosova’s Police were only targeted against crime and contraband smuggling in four Kosovar municipalities, one of which happens to be in the northern part of Kosova (where few criminals instigated the violence). https://t.co/QqpEZLYtAg
— Luan Dalipi (@DalipiLuan) October 13, 2021
