Kryeministri Edi Rama i është përgjigjur deklaratës së Presidentit Ilir Meta mbi përmbytjet në vend.
Rama gjatë mbledhjes së Komitetit ndërministror të Emergjencave tha se edhe Covid-it iu gjet vaksina ndërsa opozitës nuk i është gjetur formula.
“Akuzave politike nuk kemi çfarë u bëjmë edhe COVID iu gjet vaksina e imunizimit, të cilën shpresoj që ta fillojmë ta injektojmë në vendin tonë duke nisur nga mjekët dhe infermierët përpara afatit, ndërsa vaksinës së dëshpërimit të opozitës nuk i është gjetur formula, kështu që për shkak të dëshpërimit ata për fat të keq kapen pas fatkeqësive natyrore për të bërë politik, në do bëjmë punën tonë, duke bërë më të mirën si po e bëjmë në këtë moment të vështirë për shkak të reshjeve, ne kemi një protokoll standard për emergjencat tona civile, kemi protokolle standarde për nivelet e gatishmërisë dhe për përshkallëzimin e prezencës në territor dhe të gjitha këto janë zbatuar. Situata nuk ka si të jetë e pëlqyeshme në ato zona ku reshjet kanë qenë shumë intensive, por është fakt që falë punës së bërë ditë për ditë dhe vit pas viti në infrastrukturën e kullimit dhe rritjes së kapaciteteve mbrojtëse, sot me këtë sasi kemi një gjendje shumë më të pranueshme dhe në kontroll krahasuar çfarë do kishte ndodhur nëse do ishim si ato vite jo shumë të larta kur bëhet hataja“- tha Rama.
