Gjatë 24 orëve të fundit, janë konfirmuar 15 raste të reja me koronavirus në të gjithë vendin.
11 në Tiranë, 3 në Krujë dhe 1 rast në Kamëz. Të dhënat e reja e kanë çuar në 1136 numrin total të personave që janë infektuar.
Siç bën me dije Ministria e Shëndetësisë, 2 prej rasteve të reja janë personel mjekësor.
Kujtojmë se ditën e djeshme është mbyllur shërbimi i mjekësisë interne në QSUT për shkak të përhapjes së sëmundjes infektive të COVID-19 në pavion.
Kjo sepse në shërbimin e mjekësisë interne, vetëm 8 punonjës kishin mbetur të painfektuar ende nga koronavirusi.
Bashkë me dy rastet e reja në total janë infektuar 40 persona, nga të cilët 26 personel shëndetësore dhe 14 pacientë. Tek personeli përfshihen edhe mjekë e infermierë jashtë shërbimi, apo sanitarë.
Po ashtu është shtuar numri i pacientëve të shtruar në shërbimin infektiv: 31 pacientë janë të shtruar, 4 prej të cilëve janë në terapi intensive, e njëri është i intubuar në gjendje të rëndë.
Ministria e Shëndetësisë dha detaje edhe për vdekjen e një gruaje 85-vjeçare e cila ka ndërruar jetë pak ditë më parë në Spitalit Shefqet Ndroqi.
Genta Qiriako nga Instituti i Shëndetit Publik, e cila bëri përditësimin e të dhënave për ditën e sotme, tha se gruaja e moshuar vuante nga disa sëmundje të rënda dhe me koronavirus u konfirmua vetëm pas një testi pas vdekjes. Mirëpo koronavirusi nuk është përcaktuar ende si shkak i vdekjes së të moshuarës pasi rasti ende po analizohet nga mjekët.
TË DHËNAT E FUNDIT
Gjatë 24 orëve të fundit janë testuar 225 qytetarë si të dyshuar të prekur me Covid19 dhe janë konfirmuar 15 raste pozitive. Shpërndarja e rasteve të reja pozitive është si vijon: 11 raste në Tiranë, 3 në Krujë, dhe 1 rast në Kamëz.
Nga totali i të prekurve të identifikuar në 24 orët e fundit, 11 janë kontakte të rasteve të mëparshme të konfirmuara pozitive, ndërsa për 4 raste po vazhdon hetimi epidemiologjik.
Në 24 orët e fundit janë testuar 35 personel shëndetësor dhe kanë rezultuar pozitive 2 raste.
Është rritur numri i të shtruarve në spitalin infektiv. Aktualisht po trajtohen 31 të prekur, nga të cilët 4 janë në terapi intensive, njëri prej të cilëve është i intubuar.
Në 24 orët e fundit janë shëruar 15 qytetarë, duke e çuar në 872 numrin e të shëruarve.
Nga fillimi i epidemisë janë kryer mbi 16 mijë testime molekulare dhe serologjike. Që nga fillimi i epidemisë janë 1136 raste të konfirmuara, prej të cilëve aktualisht janë 232 persona aktivë me COVID19, kryesisht ne Tiranë, Durrës dhe Krujë.
Ne lidhje me ndërrimin jete të një 82 vjeçare në spitalin universitar “Shefqet Ndroqi”, e cila vuante nga Fibroza pulmonare, stadi i fundit, insuficienca kardiake, fibrilacion atrial, diabet mellitus dhe HTA, sqarojmë se, me gjithë ndihmën e dhënë, 82 vjeçarja ka jetuar vetëm disa orë. Analiza për coronavirus ka rezultuar pozitive pas vdekjes. Por shkaku i vdekjes, nëse ka qënë koronavirusi përgjegjegjës, po analizohet nga stafi mjekësor i spitalit ”Shefqet Ndroqi”.
Ministria e Shëndetësisë dhe Mbrojtjes Sociale apelon edhe një herë qytetarët të tregohen të kujdesshëm. Ruani distancimin fizik, higjienën personale dhe lani duart sa më shpesh. Evitoni ambientet e mbyllura dhe grumbullimet me shumë njerëz.
Mos neglizhoni shenjat e sëmundjes dhe për çdo shqetësim telefononi në numrin unik të Urgjencës Kombëtare, 127. Për informacion në lidhje me COVID19 dhe këshillim psikologjik, ju lutemi, telefononi në linjën e gjelbër 0800 40-40.
COVID-19 – Statistika (31 Maj 2020)
Testime totale 16175
Testime molekulare 14723
Testime serologjike 1452
Raste pozitive 1136
Raste të shëruara 872
Raste Aktive 232
Humbje jete 33 (Qarku Tiranë 20, Durrës 6, Fier 3, Vlorë 1, Shkodër 2, Kukës 1)
Shpërndarja gjeografike e rasteve aktive është si vijon:
Tiranë 148
Durrës 27
Krujë 17
Shkodër 10
Kamëz 10
Mat 8
Lushnje 6
Berat 2
Fier 2
Korçë 1
Librazhd 1
