Kreu i Partisë Demokratike Lulzim Basha, mbrëmjen e kaluar mbërriti në Dibër në kuadër të turit të tij në të gjithë vendin ku po takon një më një qytetarët, për t’i ftuar të marrin pjesë në protestën e 16 marsit.
Basha u surprizua nga mikpritja e dibranëve, që edhe pse ai mbërriti në orët e vona të natës dhe ftohtit, një grumbull i madh njerëzish kishin dalë ta prisnin me brohoritje.
“Rama ik” dhe “Mirëseerdhe kryeministër”, këto ishin dy thirrjet kryesore me të cilat dibranët e pritën Bashën.
“Surprizë shumë e bukur, ju falenderoj nga zemra”, tha kreu i PD-së.
Ditën e sotme Basha ka planifikuar të takojë qytetarët për t’i ftuar të marrin pjesë në protestë dhe për të ndarë me ta alternativën e Partisë Demokratike.
