Dy dronë kanë rënë në afërsi të Dubai International Airport, duke shkaktuar disa të lënduar, por pa ndikuar në funksionimin e trafikut ajror.
Sipas një njoftimi të bërë nga Zyra e Medias e Qeverisë së Dubait në platformën X, nga incidenti kanë mbetur me lëndime të lehta dy shtetas ganezë dhe një shtetas bangladeshi, ndërsa një shtetas indian ka pësuar lëndime të moderuara.
Autoritetet theksuan se, pavarësisht incidentit, trafiku ajror në aeroportin ndërkombëtar të Dubait po funksionon normalisht.
“Autoritetet konfirmojnë se dy dronë ranë në afërsi të Aeroportit Ndërkombëtar të Dubait (DXB) pak kohë më parë, duke rezultuar në lëndime të lehta për dy shtetas ganezë dhe një shtetas bangladeshi, si dhe lëndime të moderuara për një shtetas indian. Trafiku ajror po funksionon normalisht.”
