Erërat e forta që përfshinë Selanikun gjatë fundjavës shkaktuan dhjetëra probleme, duke vënë në gatishmëri shërbimet e emergjencës.
Sipas Departamentit të Zjarrfikësve, nga mëngjesi i së dielës deri në orën 23:30 janë regjistruar gjithsej 710 thirrje për ndihmë. Nga këto, 141 raste lidhen me prerjen ose largimin e pemëve në njësinë rajonale të Selanikut, ndërsa 55 thirrje të tjera kanë pasur të bëjnë me heqjen e objekteve të rrezikshme që janë rrëzuar si pasojë e erës së fortë.
Të dhënat e publikuara nga meteo.gr tregojnë se shpejtësia maksimale e erës të dielën ka arritur deri në 108 km/orë në Selanik. Ndërkohë, tetë nga vlerat më të larta të shpejtësisë së erës janë regjistruar në zona të ndryshme të Maqedonisë Qendrore.
Autoritetet u bëjnë thirrje qytetarëve të tregojnë kujdes, pasi kushtet e motit vijojnë të mbeten të paqëndrueshme.
