Ambasadori i Bashkimit Europian në Shqipëri, Silvio Gonzato, zhvilloi sot një takim me Kryetarin e Kuvendit, Niko Peleshi, në një moment të rëndësishëm të procesit të anëtarësimit të Shqipërisë në BE.
Në deklaratën e tij, Gonzato theksoi rolin thelbësor të Kuvendit për avancimin e reformave dhe nënvizoi domosdoshmërinë e një dialogu të hapur mes forcave politike.
“Parlamenti duhet të luajë një rol kyç për të siguruar që rruga e Shqipërisë drejt Europës të mbetet e transparencës dhe e përfshirjes. Një Parlament më i transparenshëm do të afrojë Kuvendin me qytetarët dhe do të mundësojë që ata të jenë pjesë aktive e këtij procesi transformues,” u shpreh ai.
Ambasadori theksoi se të gjitha forcat politike duhet të japin kontributin e tyre në rrugën e integrimit europian, duke respektuar plotësisht autonominë e institucionit parlamentar dhe duke zhvilluar debate konstruktive për reformat.
Delegacioni i BE-së në Shqipëri, nga ana tjetër, riafirmoi angazhimin për të mbështetur Kuvendin në këtë fazë kyçe të procesit të anëtarësimit, duke nënvizuar rëndësinë e bashkëpunimit ndërpartiak dhe transparencës në ecjen përpara të vendit drejt BE-së.
