Qeveria izraelite ka miratuar një paketë përfitimesh me vlerë rreth 3.2 miliardë shekelësh për rehabilitimin, zhvillimin dhe forcimin e qëndrueshmërisë civile dhe ekonomike në jug të vendit, si pjesë e përpjekjeve për t’u përballur me pasojat e sulmit të 7 tetorit, përcjell YNetNews.
Në kuadër të këtij vendimi, janë miratuar dy masa strategjike për forcimin dhe zhvillimin e qytetit të Ashkelonit me një fond prej rreth 1.4 miliardë shekelësh, si dhe një plan gjithëpërfshirës për zhvillimin e rajonit të Negevit Perëndimor.
Plani përfshin gjashtë bashki kryesore: Ofakim, Netivot, Merchavim, Eshkol, Sha’ar HaNegev dhe Sdot Negev, me një buxhet të dedikuar prej rreth 1.8 miliardë shekelësh për periudhën 2025–2029.
