Pamjet e reja befasuese tregojnë momentin kur një fshat zviceran varroset nga një akullnajë e rrëzuar, duke shkatërruar shtëpi me kryebashkiakun që tha se ajo që ka ndodhur është “e papërfytyrueshme”.
Pamjet e reja befasuese tregojnë momentin kur një fshat zviceran u varros dje nga një akullnajë e rrëzuar, duke rrënuar shtëpitë ndërsa një person është zhdukur.
Videoja tregon një re të madhe akulli që derdhet mbi fshatin Blatten të mërkurën, duke mbuluar shtëpizat e vogla alpine teksa u shkëput një pjesë e akullnajës Birch, shkruan Daily Mail.
Balta dhe rënia e gurëve goditën shtëpitë ndërsa mbeturinat u hodhën poshtë shpatit të malit dhe në luginën ku ishte ndërtuar fshati.
Rreth 90 përqind e komunës, shtëpia e rreth 300 njerëzve, u mbulua nga rrëshqitja e dheut, me një person të zhdukur ende, thanë zyrtarët.
“E papërfytyrueshme ajo që ka ndodhur”, tha presidenti i Blatten, Matthias Bellwald në një konferencë për shtyp.
“Kemi humbur fshatin tonë, por jo zemrat tona. Edhe pse fshati shtrihet nën një grumbull të madh rrënojash, ne e dimë se ku duhet të rindërtohen shtëpitë tona dhe kisha jonë,” shtoi ai.
Megjithatë, zyrtarët kanë frikë se ekziston rreziku që gjendja të përkeqësohet.
Rënia e akullnajës pritej prej disa ditësh dhe shumica ishin në gjendje të evakuoheshin në fillim të kësaj jave.
