Procesioni zyrtar drejt Kapelës Sistine ka nisur në Kapelën Pauline në Vatikan. Kardinalët pritet të mblidhen me dyer të mbyllura për të vendosur pasardhësin e Papës Françesku
Procesioni udhëhiqet jo nga dekani i Kolegjit të Kardinalëve, Giovanni Battista Re (i cili është tepër i moshuar për të marrë pjesë në konklavë), por nga Pietro Parolin, Sekretari i Shtetit i Vatikanit – një nga pretendentët kryesorë për t’u zgjedhur papë.
Kush është Pietro Parolin?
Sipas profilit, Parolin shihet si një “kandidat vazhdimësie”, për shkak të afërsisë me Papën Françesku.
Ai ka qenë Sekretar i Shtetit të Vatikanit që nga viti 2013 dhe ka luajtur një rol kyç në diplomacinë e Selisë së Shenjtë, përfshirë negociatat delikate me Kinën dhe vendet e Lindjes së Mesme.
Diplomatët laikë e konsiderojnë si një përfaqësues të besueshëm dhe të matur të Papës.
Në vitin 2018, ai ishte figura kryesore pas një marrëveshjeje të diskutueshme me qeverinë kineze për emërimin e ipeshkvijve – marrëveshje që u kritikua nga disa si një lëshim ndaj regjimit komunist.
Kritikët e quajnë atë një modernist dhe pragmatist që i jep përparësi ideologjisë dhe zgjidhjeve diplomatike para “të vërtetave të forta” të besimit.
Për mbështetësit e tij, ai është një idealist i guximshëm dhe një promovues i vendosur i paqes.
