Një sulm vetëvrasës brenda një xhamie në qytetin veriperëndimor pakistanez Peshawar, shkaktoi të paktën 90 viktima ndërsa rreth 100 të tjerë u lënduan, thanë zyrtarët.
Askush nuk e mori menjëherë përgjegjësinë për shpërthimin, tha Saddique Khan, një zyrtar i lartë i policisë në Peshawar, i cili dha numrin e viktimave, por talebanët pakistanezë janë fajësuar për sulme të ngjashme vetëvrasëse në të kaluarën.
Sulmuesi shpërtheu jelekun e tij vetëvrasës teksa 150 besimtarë, përfshirë shumë policë nga zyrat e policisë aty pranë, po luteshin brenda. Sipas Zafar Khan, një oficer i policisë lokale, shpërthimi shembi çatinë e xhamisë, e cila u rrëzua dhe plagosi shumë persona.
Kryeministri Shahbaz Sharif në një deklaratë dënoi sulmin dhe urdhëroi autoritetet të sigurojnë trajtimin më të mirë të mundshëm mjekësor për të lënduarit. Ai gjithashtu u zotua për ‘veprim të ashpër’ kundër atyre që organizuanb sulmin.
Ish-kryeministri Imran Khan dënoi gjithashtu shpërthimin, duke e quajtur atë një ‘sulm vetëvrasës terrorist’ në një postim në Twitter.
Talebanët pakistanezë, njihen si Tehreek-e-Taliban Pakistan ose TTP, dhe janë grup i veçantë, por edhe një aleat i ngushtë i talebanëve afganë, të cilët morën pushtetin në Afganistanin fqinj në gusht 2021, ndërsa trupat e SHBA-së dhe NATO-s ishin në fazat përfundimtare të tërheqja e tyre nga vendi pas 20 vitesh luftë.
