Një burrë i shurdhër ka paditur faqen e filmave për të rritur, Pornhub, për moskrijimin e lehtësirave për komunitetin e atyre që nuk dëgjojnë fare, apo dëgjojnë shumë pak.
Sipas portalit TMZ, një njeri i quajtur Yaroslav Suris ka hedhur në gjyq faqen e internetit duke e akuzuar për shkelje të të drejtave në bazë të Ligjit në SHBA për personat me Aftësi të Kufizuara, pasi pretendon se disa filma nuk kanë titrat për kategrinë e tij.
Në dokumentet gjyqësore të cituara nga TMZ-ja, Suris pretendon se personat e shurdhër nuk janë në gjendje të kuptojnë pjesën audio të disa videove të listuara në Pornhub.
Pornhub ka bërë një deklaratë duke thënë se ka një kategori për personat që kanë probleme me dëgjimin.