Kreu i grupit parlamentar të Partia Socialiste, Taulant Balla, kërkoi nga foltorja e Kuvendit mbajtjen e një minute heshtje në nder të dëshmorëve të 2 Prillit, duke shkaktuar përplasje në sallë me deputetin e opozitës Flamur Noka.
Gjatë fjalës së tij, Balla kritikoi reagimin e deputetëve të Partia Demokratike, duke e cilësuar si mungesë respekti ndaj figurave të demokracisë.
“Në emër të grupit parlamentar të PS-së, do të ishte në nderin tonë që të mbanim 1 minutë heshtje në nder të dëshmorëve të 2 prillit… keqardhje vjen nga grupi i PD kur kërkohet një gjë e tillë,” u shpreh ai.
Teksa deputeti Noka ndërhynte nga vendi, Balla e ironizoi duke e quajtur “zhurmues që prish solemnitetin e Kuvendit”.
Në vijim, ai kujtoi edhe zgjedhjet e para pluraliste të 31 marsit 1991, duke theksuar nevojën për standarde më të larta në zgjedhjet e ardhshme dhe objektivin që Shqipëria të jetë gati për integrim në Bashkimi Europian, përfshirë edhe organizimin e zgjedhjeve për Parlamentin Europian në të ardhmen.
