Presidentja e Kosovë, Vjosa Osmani, ka uruar 7 Marsin, Ditën e Mësuesit, duke e cilësuar këtë datë si një festë që simbolizon qëndresën dhe mbijetesën e kombit shqiptar përmes gjuhës.
Përmes një postimi në Facebook, Osmani theksoi se shkolla shqipe ka qenë një akt qëndrese ndër vite, duke kujtuar sakrificat e mësuesve që në periudha përndjekjesh e mbajtën gjallë gjuhën dhe arsimin.
“7 Marsi është festa e shpirtit të kombit tonë, i cili mbijetoi falë gjuhës shqipe
7 Marsi është festa e shpirtit të kombit tonë, i cili mbijetoi falë gjuhës shqipe.
Shkolla shqipe ishte akt qëndrese, në shtëpi, në bodrume e në kushte sakrifice.
Në kohë përndjekjesh, mësuesit shqiptarë nuk u dorëzuan. E mbajtën gjallë gjuhën, librin dhe ëndrrën e një kombi që donte të jetonte i lirë.
Nga banka e parë e shkollës deri te universitetet, është i njëjti mision, të rrisim breza që e duan gjuhën, atdheun dhe lirinë.
Prandaj, 7 Marsi është një ditë mirënjohjeje dhe respekti për çdo mësues që, përmes dijes dhe përkushtimit edukon brezat dhe forcon themelet e shtetit.
Urime 7 Marsi të gjithë mësuesve!”
