Presidentja e Kosovës, Vjosa Osmani, i ka ndarë Medaljen Presidenciale të Meritave deputetes britanike Alicia Kearns, në shenjë mirënjohjeje për mbështetjen e saj të palëkundur ndaj sovranitetit të Republika e Kosovës dhe përkushtimin për paqe dhe siguri në Kosovë dhe në rajon.
Sipas njoftimit zyrtar, gjatë ceremonisë, presidentja shprehu mirënjohje të thellë për angazhimin e vazhdueshëm të deputetes Kearns në ngritjen e vetëdijes për rreziqet dhe sfidat me të cilat përballet Kosova dhe rajoni i Ballkanit Perëndimor.
Me këtë rast, Osmani e cilësoi deputeten britanike si një mike të madhe të Kosovës, duke theksuar se populli i Kosovës është përzemërsisht falënderues për përkrahjen e saj të vazhdueshme dhe për kontributin në forcimin e partneritetit ndërmjet Kosovës dhe Mbretëria e Bashkuar.
Kosova shënon të martën 18-vjetorin e shpalljes së pavarësisë.
