Në një bisedë të gjatë dhe të drejtpërdrejtë, Grida Duma dhe Bleona Qereti ndalën te raporti mes artit, politikës, identitetit shqiptar dhe përfshirjes së Bleonës në fushatën e Donald Trump në SHBA, një angazhim që, sipas saj, ishte më shumë një akt artistik dhe identitar sesa një përfshirje politike.
Grida Duma theksoi se biseda mes tyre kishte vazhduar prej kohësh dhe se, ndonëse koha ishte e kufizuar, temat ishin të shumta.
Ajo kujtoi një fotografi ku Bleona shfaqet me Donald Trump përpara nisjes së angazhimit të saj politik, duke vënë në dukje se, në disa raste, Bleona shfaqet si një person e përfshirë në politikë.
Por nga na tjetër, Qereti u shpreh se të qenit në politikë nuk do të thotë domosdoshmërisht të jesh deputet, senator apo kongresmen.
Pjesë nga biseda:
Grida Duma: Mirë, ne e kemi vazhduar bisedën tonë dhe e di që kam kënaqësinë të flas me ty pa pushim për një mijë arsye. Kam shumë pak minuta, krahasuar me atë që do të doja të kisha me ty, Bleona. Këtu je në këtë foto me Donald Trump, përpara se të shkonim atje. Mendoj se, në disa raste, ti je një qenie politike.
Bleona Qereti: Po. Po, sepse të qenit në politik nuk do të thotë të jesh deputet, senator, kongresmen e kështu me radhë. Të qenit në politik do të thotë të dish kur të godasësh duke ndier ambientin, të dish si të lësh gjurmë dhe të ndikosh, në mënyrë që në fund bindjet e tua të kthehen në vendime. Unë e kam thënë në një mënyrë të caktuar, nuk do ta përsëris, ti e di, dhe për këtë arsye je në Top Story, sepse je artiste. Por vendimet e tua personale si individ – mendoj se është e qartë – kanë arritur deri në pikën që ti të bëje fushatë për Donald Trump-in mes shqiptarëve në Amerikë, duke treguar se edhe shqiptarët kanë rëndësi.
Grida Duma: Absolutisht.
Bleona Qereti: Shqiptarët janë faktor; janë aktivë sepse janë natyrë politike. Si popull, shqiptarët mund të duken të vegjël, por janë domethënës. Dhe kjo i jep një ton dhe një energji të caktuar një fushate, gjë që nuk është e vogël për një politikan që është “all in”. Trump është “all in”. Ai bën gjithçka me qartësi dhe drejtpërdrejtësi në mënyrën e tij. Mendoj se edhe kjo është qasja jote, sepse për t’iu bashkuar një politikani duhet një kimi e caktuar, një përputhje në mënyrën e të menduarit.
Grida Duma: Sot ti ke miqësi që shtrihen nga Richard Grenell, i cili është shfaqur publikisht me ty, deri te fotografitë me Donald Trump. Sa e lodhur je nga kjo fushatë? Dua të të pyes: sa e lodhshme ishte të kalosh nga arti? Hollivudi në përgjithësi nuk është pro-Trump.
Bleona Qereti: Po, patjetër, mund të goditesh anash. Mund të mos pranohesh në rrethe të ndryshme, sepse nëse je pro-Trump, nuk je në një ambient që përgjithësisht e mbështet Trump-in. Mendoj se jam e saktë kur e them këtë, si në mënyrë indirekte ashtu edhe direkte.
Grida Duma: Patjetër.
Bleona Qereti: Do ta thosha kështu: unë nuk kam ambicie politike dhe këtë e kam thënë gjithmonë. Nëse jam në politikë, është sepse jam artiste. Nëse jam në politikë, është sepse mbështes Donald Trump-in, sepse vërtet besoj tek ai si person, ashtu siç e kam njohur si artiste, jo si politikan.
Grida Duma: Mhmm.
Bleona Qereti: Duke e njohur si person në një dimension tjetër, jo si politikan, e dija se në momentin që ai do të hynte në politikë, do të bënte diçka që do të linte vërtet gjurmë. Ky është motivi i parë, i cili është tërësisht artistik, që vjen nga rebelizmi im si artiste dhe ndoshta jo nga një llogari politike, siç mund të duket nga jashtë.
Grida Duma: Sa “normal” është Donald Trump në sjellje, sidomos krahasuar me mënyrën se si media, veçanërisht ajo demokratike, përpiqet ta paraqesë si të çmendur?
Bleona Qereti: Absolutisht jo. Ai është një nga njerëzit më të sjellshëm, një nga më të edukuarit në komunikim një për një. Media në Amerikë e di këtë, sepse e ka parë ashtu si unë, në një aspekt tjetër, përpara se të ishte politikan. Donald Trump nuk ishte një emër i panjohur në Amerikë, por njerëzit sot shohin vetëm këtë aspekt. Për mua, ai është gjeni në çdo aspekt të jetës së tij, jo vetëm politikisht. Aspekti politik është si qershia mbi tortë në gjenialitetin e këtij personi, dhe kjo është arsyeja pse e mbështeta: gjenialiteti i tij si njeri.
Grida Duma: Po politikat?
Bleona Qereti: Politikat janë dytësore. Suksesi, mënyra se si ai lë gjurmë kudo që shkon, kjo ka rëndësi. Unë e mbështeta artistikisht, jo me një llogari politike, por me një tjetër llogari pas saj: doja një mundësi për të treguar se kush janë vërtet Shqipëria dhe shqiptarët. Dhe nuk e bëra në emrin tim, sepse në Hollivud nga kjo punë pata vetëm kosto.
Grida Duma: Sa e vështirë ishte të mobilizoje shqiptarët për këtë fushatë, Bleona?
Bleona Qereti: Ende nuk isha te shqiptarët. Doja t’i tregoja Partisë Republikane, të cilën ai e kishte kthyer 100%, që njerëzit ta kuptonin. Më parë nuk dëgjonin, nuk e kuptonin programin. Të paktën tani e kuptojnë programin dhe mënyrën si ai e ndryshoi. Doja të tregoja se kush janë Shqipëria dhe shqiptarët, dhe pashë një mundësi sepse Michigani ishte një shtet luhatës.
Grida Duma: Pra, një shtet ku mund të bëhej diferenca?
Bleona Qereti: Pikërisht. 100 mijë deri në 150 mijë shqiptarë në Michigan mund ta kishin ndryshuar rezultatin edhe me 10 mijë vota. Gara ishte shumë e ngushtë. Pashë mundësinë për të treguar. Unë e njoh veten, e di kush jam si Bleona. Nuk kishte të bënte me mua personalisht; doja të tregoja se kush jemi ne si shqiptarë. Fatmirësisht ishim në një shtet luhatës, gjë që bëri diferencën. Në New York mund të mblidhje 500 mijë shqiptarë dhe nuk do të ndryshohej rezultati.
Grida Duma: Pra, shqiptarët bëjnë diferencën.
Bleona Qereti: Pikërisht. Janë besnikë, janë të përkushtuar, shkojnë “all in” për atë që besojnë. Ky është mentaliteti ynë: besnikëri, dashuri kur duhet, është e jona. Dhe po, kemi edhe të metat tona, si çdo popull. Por ndoshta nga larg kjo u pa si një llogari politike. Ishte momenti që doja të tregoja: Bleona, Shqipëria dhe prapë Bleona. Një mundësi e artë për mua.
Grida Duma: Sepse ti je një individ me qasje politike, edhe pse nuk je politikane.
Bleona Qereti: E kuptoj. Shkova dhe, ndërkohë, ndjeva se në një shtet që bën diferencën, bashkëkombësit mund ta shfrytëzonin këtë moment për të treguar se rezultati varet prej tyre. Unë kam ndikim atje dhe i kombinoj të gjitha këto avantazhe, kohën, momentin, dhe i përdor. Kjo është një vendimmarrje politike, edhe nëse je artiste.
Grida Duma: Ishe në New York në vitin 2020 gjatë debateve, dhe më pas Trump u infektua me COVID.
Bleona Qereti: Pikërisht atëherë vendosa se do të nisja nga baza, nga poshtë, dhe Michigani ishte vendi. Fluturova atje, mblodha shqiptarët me çfarë kisha, telefonova të gjithë nga telefoni im personal. Thashë të njëjtën gjë që po them edhe sot në emision: kjo është mundësia jonë për t’i treguar administratës Trump se kush janë Shqipëria dhe shqiptarët. E bëra me dashuri. Nuk ishte vetëm për administratën Trump; ishte për Shqipërinë dhe për shqiptarët që besojnë në Amerikën si shtet dhe si koncept. E bëra me gjithë zemër, pa pritur asgjë në këmbim.
Grida Duma: Kush të jep dashuri pa kushte?
Bleona Qereti: Johnny, qeni. Prindërit e mi janë shtyllat e mia, Oli më mban me këmbë në tokë, Nazmi ndonjëherë gjithashtu. Jam duke pritur të dashurohem, por me personin e duhur. Nuk kam frikë të jem e ndjeshme. Dua ta nderoj vajzën e vogël brenda meje që besoi dhe priti.
Grida Duma: Dhe Shqipëria sot?
Bleona Qereti: Shqipëria është zhvilluar jashtëzakonisht shumë. Njerëzit janë të gatshëm të punojnë, të rriten. Skena e festivaleve, studiot, ana teknike – gjithçka bëhet me dashuri. Nuk janë çanta Hermes apo verëra të shtrenjta; është pasioni i njerëzve që përpiqen të ecin përpara. Shqipëria është reale.
Grida Duma: Dhe marrëdhënia jote me Shqipërinë?
Bleona Qereti: Unë do të jem gjithmonë një artiste shqiptare në Amerikë. Kam jetuar komunizmin, kam qëndruar në radhë për bukë si 99% e shqiptarëve. Kjo më ka formuar. Sot Shqipëria po lulëzon dhe unë jam krenare për popullin tim.
