Një aksident ka ndodhur në unazën e qytetit të Lushnjës, ku një motoçikletë është përplasur me një mjet që po dilte nga një biznes.
Përplasja ka qenë shumë e fortë, dhe drejtuesi i motoçikletës, Marjus Doksani, rreth 30 vjeç, u transportua me urgjencë në spital në gjendje kritike për jetën.
Policia e qarkullimit rrugor dhe patrullat e tjera ndodhen në vendngjarje dhe po punojnë për të hetuar rrethanat e aksidentit.
Unaza e qytetit të Lushnjës njihet për lëvizje të dendur dhe për incidente të shpeshta për shkak të pranisë së bizneseve përgjatë saj.
