Fermerët protestues grekë kanë paraqitur një listë kërkesash drejtuar qeverisë Mitsotakis, pranimin e të cilave e konsiderojnë të domosdoshme para se të ndërpresin protestat dhe bllokimet e rrugëve, shkruan Kathimerini.
Përveç pagesës së menjëhershme të subvencioneve të prapambetura, ata kërkojnë:
Çmime minimale të garantuara më të larta se kostot e prodhimit.
Asnjë taksë mbi karburantin dhe një tarifë të ulët speciale prej 7 centësh për kilovat-orë për energjinë elektrike (çmimi më i ulët për familjet është 9.9 centë/kilovat-orë para taksave).
Shfuqizimin e Bursës së Energjisë.
Shfuqizimin e TVSH-së.
Pagesa kompensuese për të gjitha prodhimet, çmimet e të cilave kanë rënë nën nivelet e kostos së prodhimit në vitin 2025.
Punime infrastrukturore (kanale, punime kundër përmbytjeve dhe mbrojtje nga zjarri; rrugë fshati).
Lidhjen e subvencioneve me vëllimin e prodhimit dhe numrin e krerëve të tufave.
Subvencione të mbrojtura nga konfiskimet.
Fshirjen e fermave më të vogla se 8 hektarë nga regjistri i pronave.
Monitorim efektiv.
Ndërprerjen e importeve të përjashtuara nga tarifat të lejuara nëpërmjet marrëveshjeve tregtare të BE-së, si p.sh. me vendet e Mercosur-it.
Ngrirjen e borxheve të fermerëve ndaj sigurimeve shoqërore, autoritetit tatimor, bankave, Korporatës Publike të Energjisë dhe shlyerjen e borxheve me këste pa interes dhe pa paradhënie.
Asnjë shkurtim në Politikën e Përbashkët Bujqësore të BE-së në favor të “përgatitjes për luftë” (shpenzimet e mbrojtjes).
Ndaljen e faturave elektronike të ngarkesave për prodhuesit.
Dyfishimin e pensioneve në fuqi menjëherë.
Ndaljen e represionit dhe arrestimeve nga shteti.
