Deputetu Agron Shehaj u përplas ashpër me deputetët socialistë lidhur me çështjen e zv.kryeministres Balluku.
Në fjalën që e mori disa herë, kreu i Partisë Mundësia tha se socialistët mbajnë ende në detyrë persona që janë të burgosur apo nën hetim për abuzim me detyrën, korrupsion e vjedhje të taksapaguesve.
“Kam listën e zyrtarëve të lartë që janë në hetim dhe vazhdojnë mbajnë detyrën. Balluku po bën çmos të qëndrojë në detyrë. Berberi është në burg, ky zotëria është Gentian Gjyli, është drejtor i ARRSH në detyrë, është në shtëpi nuk del dot nga shtëpia. Ky zotëria vazhdon bën tenderë prej qindra milionë euro, është vartësi i Ballukut. Kemi tjetrin Erald Elezi, drejtori i KESH. Është drejtori aktual i KESH, është në arrest shtëpie. Unë dua nga ju që të keni pak dinjitet, të ngrihesh e të thuash që s’mund të vazhdojmë në këtë mënyrë. Miminalisht largojini, të keni dinjitetin dhe të çoheni të flisni me njerëzit. Po lejoni që drejtorët që janë kapur duke vjedhur, të vazhdojnë të vjedhin dhe nuk thoni as gjysmë fjale. Kjo është Viola Haxhiademi sekretare e përgjithshme në Ministrinë e Infrastrukturës, e pandehur sipas mediave. Keni marrë peng ministritë me njerëz të marrë të pandehur për korrupsion. Evis Mamaj shefe finance në hetim për korrupsion. Bashkitë janë një tufë të korruptuarish. Nuk shkulen nga karrigia, i kanë çuar në burg, nuk shkulen nga karrigia, duan të vazhdojnë të vjedhin. Ky është Veliaj, tjetri Erion Isai, Benet Beci”, tha Shehaj.
