Anëtarët e NATO-s duhet të gjejnë mënyra për të qenë më agresivë ndaj Rusisë, ka thënë shefi kryesor ushtarak i bllokut.
Admirali Giuseppe Cavo Dragone, kryetar i Komitetit Ushtarak të NATO-s, i tha Financial Times në një intervistë të publikuar të dielën se shtetet anëtare kanë peshuar të gjitha mundësitë për t’iu përgjigjur asaj që ai e përshkroi si “luftë hibride” të Rusisë.
“Ne po studiojmë gjithçka…të qenit më agresiv ose të qenit proaktiv në vend të rtë qenit reagues është diçka për të cilën po mendojmë,” tha Dragone, shkruan Rt.
Komandanti shtoi se një “sulm parandalues” mund të konsiderohet një “veprim mbrojtës,” megjithëse do ishte “më larg nga mënyra jonë normale e të menduarit dhe sjelljes.”
Sipas FT, diplomatët nga Evropa Lindore kanë qenë veçanërisht të zëshëm në kërkesën për veprime më të ashpra kundër Rusisë, përfshirë sulme kibernetike hakmarrëse. Dragone vuri në dukje, megjithatë, se vendimmarrja e NATO-s është kufizuar nga shqetësimet ligjore dhe etike, si dhe juridiksioni.
Në shtator, NATO rriti patrullimet ajrore në Evropën Lindore dhe shtetet baltike në përgjigje të shkeljeve të pretenduara të hapësirës ajrore nga Rusia. Moska ka mohuar pretendimet se avionët dhe dronët e saj kanë shkelur hapësirën ajrore të bllokut dhe e ka akuzuar atë për nxitje lufte.
Politico Europe raportoi javën e kaluar se NATO po shqyrtonte gjithashtu operacione të përbashkëta sulmuese kibernetike kundër Moskës.
