Numri i të vdekurve nga përmbytjet shkatërruese në Tajlandën jugore arriti në 162 të shtunën, me mbi një milion familje në të gjithë vendin të prekura, sipas mediave lokale.
Zëdhënësi i qeverisë, Siripong Angkasakulkiat, tha të shtunën se numri i të vdekurve nga përmbytjet katastrofike vetëm në provincën Songkhla u rrit në 126, sipas Thai PBS.
Përmbytjet, më të rëndat në 25 vjet, bllokuan mijëra njerëz në shtëpitë e tyre këtë javë, ndërsa Kryeministri Tajlandez Anutin Charnvirakul premtoi kompensim monetar për çdo fatalitet, shkruan AA.
Ekipet e reagimit emergjent janë dërguar për të ndihmuar në evakuime, për të shpërndarë ushqim dhe ujë, si dhe për të siguruar kuzhina celulare, njësi për pastrimin e ujit dhe varka shpëtimi.
Anutin shpalli gjendje të jashtëzakonshme të martën në Songkhla, me komandantin suprem të Forcave të Armatosura Mbretërore Tajlandeze të ngarkuar për drejtimin e reagimit emergjent
