Dronët nënujorë ukrainasë kanë goditur dy anije cisterna që i përkasin të ashtuquajturës flotë në hije të Rusisë në Detin e Zi, sipas një zyrtari në shërbimet e sigurisë së Ukrainës (SBU).
Ukraina mori përsipër sulmet pas shpërthimeve që goditën dy anijet të premten dhe të shtunën.
Dronët detarë Sea Baby ishin përdorur në një operacion të përbashkët nga SBU dhe marina. Nuk pati asnjë koment të menjëhershëm nga Rusia.
Të dy tankerët pësuan dëmtime të rënda, tha burimi, dhe u nxorën praktikisht jashtë shërbimit. “Kjo do t’i japë një goditje të konsiderueshme transportit të naftës ruse.”
Rusia përdor qindra anije cisterna – shumë prej të cilave lundrojnë nën flamuj të ndryshëm komoditeti – për të transportuar naftën e saj te klientët në kundërshtim me sanksionet.
Anija tanker Virat me flamur të Gambisë u sulmua përsëri të shtunën, pasi pësoi dëme për herë të parë të premten, sipas Ministrisë së Transportit të Turqisë.
Sipas autoriteteve detare turke, mbi vijën e ujit u pësuan dëme të vogla dhe nuk pati zjarr. Anija ndodhet rreth 50 kilometra larg bregdetit turk. Të dhënat e gjurmimit të anijes treguan se ajo po ngadalësohej dhe po kthehej drejt bregdetit vonë të premten, shkruan CNN.
“Nuk ka asnjë kërkesë nga personeli për të braktisur anijen”, tha ministria turke e Transportit, por një rimorkiator zjarrfikës ishte dërguar në vendngjarje.
