Zëvendëskryeministrja dhe ministrja e Infrastrukturës dhe Energjisë, Belinda Balluku, është thirrur sot në orën 15:00 në Prokurorinë e Posaçme (SPAK). Balluku është kërkuar të paraqitet e shoqëruar nga avokati i saj.
SPAK nuk ka dhënë detaje mbi arsyen e thirrjes, por gjatë raportimit në Kuvend javën e kaluar, kreu i institucionit, Altin Dumani, konfirmoi se Balluku është nën hetim.
Partia Demokratike ka depozituar katër kallëzime penale ndaj Ballukut, që lidhen me projektin e tunelit të Llogarasë, shitblerjet e energjisë elektrike, projektet e paneleve fotovoltaike dhe dy anijet TEC për prodhimin e energjisë.
