NBA ka pezulluar trajnerin kryesor të Portland Trail Blazers, Chauncey Billups, dhe basketbollistin e Miami Heat, Terry Rozier, pasi të dy u arrestuan në lidhje me përfshirjen e dyshuar në dy raste të ndara të kumarit dhe basteve të paligjshme, njoftoi liga të premten.
Në një deklaratë të shkurtër, NBA tha se Billups dhe Rozier “janë vendosur në leje administrative të menjëhershme, janë larguar nga aktivitetet e ekipit dhe do vazhdojnë të bashkëpunojnë me autoritetet,” duke theksuar se i shikon “këto akuza me seriozitetin më të madh.”
Trail Blazers konfirmuan se Tiago Splitter do marrë rolin e trajnerit kryesor të përkohshëm.
Billups, 49 vjeç, një ish-kampion i NBA me Detroit Pistons në vitin 2004 dhe trajner aktual i Portlandit, thuhet se ishte mes rreth tridhjetë individëve të arrestuar për pjesëmarrje të dyshuar në një rrjet mbarëkombëtar të ndeshjeve pokeri të trukuar, të lidhur me Cosa Nostra-n e mafias siçiliane.
Rozier, 31 vjeç, dyshohet se është përfshirë në manipulimin e ndeshjeve të basketbollit në dobi të operacioneve të basteve të paligjshme.
Autoritetet dhe NBA ende nuk kanë dhënë detaje të mëtejshme ndërsa hetimet vazhdojnë.
