Qeveria e përkohshme e Perusë tha se do të shpallet gjendje e jashtëzakonshme në kryeqytetin Lima, pasi përleshjet midis protestuesve antiqeveritarë dhe policisë u përshkallëzuan në vdekje.
Për javë të tëra, demonstratat e udhëhequra nga të rinjtë kanë dalë në rrugët e qyteteve peruane, duke dënuar pagat e ulëta, korrupsionin dhe krimin e organizuar. Të mërkurën, një burrë u qëllua për vdekje dhe 100 të tjerë u plagosën, kur protestat u bënë të dhunshme në qendër të kryeqytetit. Rreth 80 oficerë policie u plagosën gjithashtu.
Presidenti thotë se do të qëndrojë
Javën e kaluar, ish-presidentja Dina Doluarte u rrëzua nga detyra nga ligjvënësit , të cilët përmendën paaftësinë e qeverisë së saj për të frenuar krimin.
Zëvendësuesi i saj, Presidenti Jose Jeri, po përballet tashmë me thirrjet e protestuesve për të dhënë dorëheqjen. Të enjten, Jeri u tha gazetarëve se nuk do të jepte dorëheqjen.
“Përgjegjësia ime është të ruaj stabilitetin e vendit; kjo është përgjegjësia dhe angazhimi im”, tha 38-vjeçari Jeri. Ai shtoi se do t’i kërkonte Kongresit “autoritet për të nxjerrë ligje mbi çështjet e sigurisë publike”./DW
