Policia e Lezhës ka vënë në pranga një 38-vjeçar, i cili dyshohet për vjedhjen e një automjeti dhe një telefoni celular në zonën e Rinasit.
Sipas njoftimit zyrtar, pas marrjes së informacionit për vjedhjen e automjetit në lagjen “Nënë Tereza” në Lezhë, shërbimet e forcës “Shqiponja” në bashkëpunim me Policinë Rrugore të Tiranës kanë organizuar menjëherë operacionin për kapjen e autorit.
“Pak minuta pas ngjarjes, u identifikua dhe u arrestua shtetasi L.L., 38 vjeç, banues në Lezhë. Gjatë kontrollit në automjetin e tij u gjet një celular që dyshohet të jetë i vjedhur në Rinas,” thuhet në njoftimin e policisë.
Autoritetet vijojnë hetimet për të zbardhur nëse i arrestuari është i përfshirë edhe në vjedhje të tjera.
