Ministria e Jashtme e Turqisë ka dënuar me forcë Izraelin për ndërprerjen e flotiljes “Global Sumud”, e cila po transportonte ndihma humanitare për banorët e Gazës, duke e cilësuar këtë veprim si “akt terrorizmi”, përcjell The Times of Israel.
Në një deklaratë zyrtare, ministria thekson se sulmi i forcave izraelite në ujërat ndërkombëtare ndaj flotiljes që kishte për qëllim shpërndarjen e ndihmave humanitare është “shkelja më e rëndë e së drejtës ndërkombëtare” dhe rrezikon jetën e civilëve të pafajshëm.
“Sulmi i forcave izraelite në ujërat ndërkombëtare ndaj flotiljes Global Sumud, e cila ishte në rrugë për të dërguar ndihma humanitare për popullin e Gazës, është një akt terrorizmi që përbën shkeljen më serioze të së drejtës ndërkombëtare dhe kërcënon jetën e civilëve të pafajshëm,” thuhet në deklaratë.
Ngjarja pritet të tensionojë më tej situatën në rajonin tashmë të paqëndrueshëm, ndërsa kërkesat për qasje humanitare në Gaza po rriten në arenën ndërkombëtare.
