Sekretari i Përgjithshëm i Kombeve të Bashkuara, Antonio Guterres, u ka bërë thirrje “të gjitha palëve” që të angazhohen për zbatimin e planit të paqes për Gazën, të propozuar nga Presidenti i SHBA-së, Donald Trump, ka njoftuar zëdhënësi i tij për The Times of Israel.
“Është thelbësore që tani të gjitha palët të angazhohen për një marrëveshje dhe zbatimin e saj,” tha Farhan Haq në një deklaratë për mediat. “Sekretari i Përgjithshëm përsërit edhe njëherë thirrjen e tij për një armëpushim të menjëhershëm dhe të përhershëm.”
Plani i paqes synon t’i japë fund luftimeve në Rripin e Gazës dhe të krijojë një zgjidhje afatgjatë për konfliktin izraelito-palestinez, në një kohë kur përplasjet në terren kanë shkaktuar mijëra viktima dhe një krizë humanitare në rritje.
