Kryeministri Edi Rama do të zhvillojë sot një takim me Kryetarin e Kuvendit, Niko Peleshi, si dhe me krerët e komisioneve parlamentare.
Burime bëjnë me dije se në qendër të diskutimeve do të jetë nisja e punës së komisioneve të përhershme të Kuvendit, e cila pritet të fillojë javën e ardhshme.
Kuvendi miratoi dy ditë më parë projektvendimin “Për caktimin e anëtarëve zëvendësues në përbërjen e komisioneve të përhershme të Kuvendit”, çka ka hapur rrugën për rifillimin e aktivitetit të tyre pas pushimeve verore dhe riformatimeve të fundit politike.
Komisionet e përhershme të Kuvendit:
Komisioni për Ekonominë, Punësimin dhe Financat
Komisioni për Çështjet Ligjore dhe Administratën Publike
Komisioni për Çështjet e Brendshme dhe Mbrojtjen
Komisioni për Edukimin, Shkencën dhe Sportet
Komisioni për Shëndetësinë dhe Mirëqenien Sociale
Komisioni për Burimet Natyrore, Infrastrukturën dhe Zhvillimin e Qëndrueshëm
Komisioni për të Drejtat e Njeriut dhe Mjetet e Informimit Publik
Komisioni për Bujqësinë, Ushqimin dhe Zhvillimin Rural
Komisioni për Kulturën, Turizmin dhe Diasporën
Komisioni për Europën dhe Punët e Jashtme
Komisioni për Nismat Qytetare, Bashkëpunimin dhe Mbikëqyrjen Institucionale
Ky takim vjen në një moment të rëndësishëm për axhendën legjislative, ndërsa Kuvendi përgatitet të rikthehet me intensitet në diskutimin dhe miratimin e projektligjeve të reja.
