Gjykata e Lartë ka rrëzuar sot rekursin e paraqitur nga ish-kryetari i Bashkisë Kukës, Safet Gjici, duke lënë në fuqi vendimin e mëparshëm të Gjykatës së Posaçme Kundër Korrupsionit dhe Krimit të Organizuar (GJKKO).
Gjici kishte kërkuar përmes rekursit shpalljen e pafajësisë për akuzat e ngritura ndaj tij, por trupa gjykuese e Gjykatës së Lartë nuk e ka pranuar këtë kërkesë, duke konfirmuar fajësinë.
Ish-kryebashkiaku i Kukësit u përball me drejtësinë pas publikimit të një videoje komprometuese, e cila çoi në dorëheqjen e tij dhe më pas në nisjen e hetimeve për disa vepra penale, përfshirë:
Shpërdorim të detyrës, dhe
Sjellje të papërshtatshme në ushtrimin e funksioneve publike.
Vendimi i sotëm i Gjykatës së Lartë i jep fund përpjekjeve ligjore të Gjicit për të shmangur përgjegjësinë penale në këtë çështje.
