Me ndryshimin e titullarit të Ministrisë së Shëndetësisë, kanë nisur edhe lëvizjet në sistemin shëndetësor.
Kështu, është larguar nga detyra drejtori i Qendrës Spitalore Universitare “Nënë Tereza”, Florenc Spaho. Ky i fundit ka dhënë dorëheqjen, teksa në këtë detyrë u emërua vetëm dy muaj më parë, më 22 korrik 2025.
Në vend të tij është emëruar Anxhela Paparizo.
Po kështu, lëvizje ka patur edhe tek Fondi i Sigurimit të Detyrueshëm të Kujdesit Shëndetësor.
Drejtori i këtij institucioni, Spartak Zekja, është larguar nga detyra.
Në vend të tij është emëruar Artur Papajani.
Spartak Zekja drejtonte FSDKSH-në që prej shtatorit të vitit 2023.
Kujtojmë se në krye të Ministrisë së Shëndetësisë është emëruar Evis Sala, që vjen nga fusha e mjekësisë.
