Një burrë hapi zjarr gjatë një dasme që po mbahej në ambientet e Sky Meadow Country Club në qytetin Nashua të shtunën, duke vrarë një person dhe plagosur dy të tjerë. Autoritetet konfirmuan se një i dyshuar është vënë në pranga.
Viktima që humbi jetën është identifikuar si Robert Steven DeCesare, 59 vjeç, sipas deklaratës së Prokurorit të Përgjithshëm të New Hampshire, John Formella, dhe Shefit të Policisë së Nashua, Kevin Rourke, përcjell AP.
I dyshuari është Hunter Nadeau, 23 vjeç, i cili është arrestuar dhe akuzuar për vrasje të shkallës së dytë, pasi ka qëlluar me qëllim DeCesare-n. Zyrtarët thanë se priten edhe akuza të tjera për plagosjen e dy personave të tjerë.
“Akuzat shtesë janë të pritshme,” deklaruan Formella dhe Rourke. Nadeau pritet të dalë për herë të parë në gjykatë të hënën në Gjykatën e Rrethit të Nëntë në Nashua.
Fillimisht kishte dyshime për dy autorë, por hetimet konfirmuan se ka qenë vetëm një person përgjegjës për të shtënat.
Zyrtarët nuk kanë gjetur ende një motiv për sulmin. Prokurori i lartë i shtetit, Peter Hinckley, tha se nuk ka asnjë lidhje të njohur mes autorit dhe viktimës.
